Látinn fara eftir krabbameinsmeðferð

Newcastle United, sem rétt hélt sæti sínu í ensku úrvalsdeildinni í knattspyrnu, gaf það út í kvöld að tveir leikmenn liðsins fái ekki endurnýjun á samningi sínum.

Þeir Ryan Taylor og Jonas Gutierrez eru því í leit að nýju félagi, en þeir voru báðir mikið frá í vetur. Taylor hefur verið meira og minna meiddur síðustu tvö ár, en Gutierrez greindist með krabbamein og var í kjölfarið frá og óvíst hvort hann mundi snúa aftur, en hann gerði það þó í vor.

Gutierrez var í miklu uppáhaldi hjá stuðningsmönnum félagsins og var klappað lof í lófa í hvert sinn sem hann snerti boltann eftir endurkomuna í vor. Hann skoraði síðasta mark Newcastle á tímabilinu sem gulltryggði áframhaldandi veru þess í deildinni.

Gutierrez tjáði sig um málið á Twitter-síðu sinni í kvöld. Þar þakkaði hann stuðningsmönnum Newcastle fyrir sig, en gagnrýndi Mike Ashley, eiganda félagsins, fyrir afskiptaleysi á meðan á meðferðinni stóð.

Two things I learn from my illness how you can support a player (newcastle fans) and how you leAve a player alone (newcastle owner)

— jonas gutierrez (@elgalgojonas) May 29, 2015

• Blogga um frétt