Chelsea að tryggja sér Baba

Englandsmeistarar Chelsea eru við það að tryggja sér varnarmanninn unga Abdul Rahman Baba sem leikur með þýska liðinu Augsburg.

Að því er fram kemur í þýska blaðinu Bild hefur Chelsea samþykkt að greiða 25 milljónir evra fyrir leikmanninn sem er 21 árs gamall og er landsliðsmaður Gana.

Mörg af stóru liðunum í Evrópu hafa sýnt Baba mikinn áhuga, þar á meðal Juventus og Paris SG, en allt stefnir í hann sé á leið til Englandsmeistaranna. Baba leikur í stöðu vinstri bakvarðar en aðeins einn vinstri bakvörður er nú í herbúðum Chelsea, Cesar Azpilicueta, eftir að Luiz Felipe fór aftur til liðs við Atletíco Madrid.

Augsburg keypti Baba frá þýska liðinu Greuther Furth í fyrra fyrir aðeins 3,5 milljónir evra svo hann hefur margfaldast í verði.

• Blogga um frétt