Usain Bolt fótfráasti maður heims hefur lengi átt þann draum að spila með Manchester United en nú er sá draumur kominn í biðstöðu.
Ástæðan er Louis van Gaal knattspyrnustjóri United en margir stuðningsmenn félagsins hafa gagnrýnt Hollendinginn við leiðinlega spilamennsku United-liðsins.
Bolt var spurður af fréttamanni þegar hann tók á móti viðurkenningu sinni sem íþróttmaður ársins í Jamaíka hvort hann gæti hugsað sér að æfa með Manchester United.
„Nú þegar ég sé hvernig Van Gaal er þá hef ég engan áhuga á að vera þjálfaður af honum svo ég held að ég verði að fresta því þar til Manchester United fær nýr nýjan þjálfara,“ sagði Bolt sem hefur verið dyggur stuðningsmaður Manchester United í gegnum árin.