Sagt er að enska úrvalsdeildarfélagið Liverpool sé þegar búið að ákveða hvaða knattspyrnumönnum það muni fjárfesta í í sumar. Staðarblaðið Liverpool Echo telur þó vert að nefna nokkra aðra leikmenn sem hafa heillað á EM í Frakklandi og gætu styrkt liðið. 

Þar kemur íslenski landsliðsmaðurinn Birkir Bjarnason til sögunnar. Birkir gekk í raðir svissneska félagsins Basel fyrir síðasta tímabil og hefur staðið sig vel í leikjum Íslands til þessa og skoraði til að mynda sögulegt jöfnunarmark gegn Portúgal í fyrsta leiknum.

„Hetjan í jafntefli Íslands við Portúgal. Þessi fjölhæfi miðjumaður hefur verið notaður vinstra megin í 4-4-2 á Evrópumótinu en getur einnig leikið á miðri miðjunni. Hann býr yfir miklu þoli og er nokkuð kröftugur,“ segir í frétt Liverpool Echo.

Auðvitað eru þetta aðeins getgátur en ljóst er að stuðningsmenn Liverpool á Íslandi myndu ekki gráta komu Birkis til félagsins.

Tengdar fréttir

EM 2016 í fótbolta

Danir slógu Evrópumeistarana úr leik

• Landsliðið tilnefnt til verðlauna – almenningur kýs
• Enska liðið mætti með smá hroka
• Þakklát fyrir boðið til Íslands
• Notkun gagnamagns jókst um 600%

» Fleiri tengdar fréttir

• Blogga um frétt