Chelsea sigraði Liverpool, 1:0, í æfingaleik liðanna í Bandaríkjunum í gærkvöldi. Gary Cahill skoraði eina mark leiksins í fyrri hálfleik en liðin undirbúa sig fyrir keppni í ensku úrvalsdeildinni sem hefst eftir rúmar tvær vikur.
Spænski miðjumaðurinn Cesc Fábregas var rekinn af leikvelli þegar 20 mínútur voru til leiksloka. Hann braut á nýjum liðsmanni Liverpool, Ragnar Klavan, og var umsvifalaust sendur í sturtu.
„Þetta var klárt rautt spjald. Fábregas kom inn í búningsklefann eftir leikinn og baðst afsökunar en hann kom of seint inn í tæklinguna. Stundum þegar þú ert of seinn þá færðu rautt spjald en þannig var þetta,“ sagði Jürgen Klopp, knattspyrnustjóri Liverpool, eftir leikinn.
Myndskeið af tæklingunni má sjá hér að neðan:
#ICYMI #CFC beat #LFC 1-0 in a 'friendly' in California. The match overshadowed by this Fabregas tackle & red card.https://t.co/ANoHRMLcbH
— William Hill Betting (@WillHillBet) July 28, 2016