Sam Allardyce, nýráðinn þjálfari enska karlalandsliðsins í knattspyrnu, hefur valið hópinn fyrir komandi verkefni en liðið á leik í undankeppni heimsmeistaramótsins í byrjun september.
Roy Hodgson var látinn taka poka sinn eftir tap Englands gegn Íslandi í 16-liða úrslitum Evrópumótsins sem fór fram í Frakklandi í sumar.
Enska knattspyrnusambandið ákvað að ráða Sam Allardyce til starfa en hann hefur nú þegar valið leikmannahópinn fyrir leikinn gegn Slóvakíu í undankeppni heimsmeistaramótsins.
Það er ekki mikið um óvæntar breytingar á hópnum. Michail Antonio, leikmaður West Ham, er í hópnum. Wayne Rooney er þá skráður sem miðjumaður í hópnum en ekkert pláss er fyrir Ross Barkley, leikmann Everton.
Hér fyrir neðan má sjá hópinn í heild sinni.
📝 @OfficialBigSam names his first #ThreeLions squad, with a debut call-up for @WestHamUtd winger @Michailantonio. pic.twitter.com/TbEeMzBzEA
— England (@England) August 28, 2016