Enn farið illa með Schweinsteiger

Þýski miðjumaðurinn Bastian Schweinsteiger hefur ekki átt sjö dagana sæla í herbúðum Manchester United eftir að José Mourinho tók við taumunum hjá félaginu í vetur.

Hinum 32 ára gamla Schweinsteiger var sagt að hann væri ekki inni í myndinni hjá liðinu í vetur. Hann var ekki valinn í hópinn sem er löglegur til leiks í Evrópudeildinni og þá hefur hann verið látinn æfa með varaliðinu. Sjálfur hefur hann sagst vera klár ef kallið kemur.

Það virðist hins vegar ekki breyta neinu, því í vikunni var liðsmyndataka hjá United og sá þýski var hvergi sjáanlegur. 25 leikmenn og sex manna þjálfarateymi Mourinho voru myndaðir, en ekkert pláss var fyrir Schweinsteiger.

• Blogga um frétt