Eiður Smári Guðjohnsen sendi José Mourinho, knattspyrnustjóra Manchester United, kaldhæðnislega kveðju á Twitter-síðu sinni í dag.
Tilefnið var endurkoma Mourinho á Stamford Bridge, heimavöll Chelsea, þar sem hann gerði áður garðinn frægan. Þegar þetta er skrifað er staðan 4:0 fyrir Chelsea og skammt eftir, og Eiður notaði tækifærið og skaut á þann Portúgalska.
„Jose veit ennþá hvernig á að ná fram því besta úr Chelsea-liðinu,“ skrifar Eiður og hefur fengið mikil viðbrögð við færslunni.
Jose still knows how to get the best out of @ChelseaFC #CHEMUN
— Eidur Gudjohnsen (@Eidur22Official) October 23, 2016