Manchester United tapaði fyrir Chelsea, 4:0, í ensku úrvaldsdeildinni í knattspyrnu í dag eins og ítarlega hefur verið fjallað um hér á mbl.is.
Sjá frétt mbl.is: Chelsea rótburstaði United í endurkomu Mourinho
Þetta var stærsti ósigur José Mourinho í öllum keppnum í sex ár. Síðast tapaði hann 5:0 fyrir Barcelona þegar hann var stjóri Real Madrid.
Þá er þetta jafnframt stærsti ósigur United í fimm ár, eða síðan liðið steinlá fyrir grönnum sínum í Manchester City í október árið 2011.
Það er hins vegar enn lengra síðan liðið tapaði útileik með fjórum mörkum eða meira. Það gerðist síðast árið 1999 og var það einnig gegn Chelsea.