Enska knattspyrnusambandið ákvað í dag að leggja fram kæru á Chelsea og Manchester City eftir atvik sem átti sér stað í leik þeirra um helgina.
Chelsea vann leikinn 3:1 en undir lok hans fékk Sergio Aguero að líta rauða spjaldið fyrir ljótt brot á David Luiz.
Fernandinho, leikmaður City, fékk rautt spjald í kjölfarið og ætlaði allt um koll að keyra en Cesc Fabregas fékk þó ekki brottvísun fyrir sinn þátt í öllum látunum.
Knattspyrnusambandið ákvað í dag að kæra bæði félögin fyrir atvikið en þau hafa frest til 8. desember til þess að áfrýja.