West Ham og Marseille á leiðinni í viðræður

Forseti franska knattspyrnufélagsins Marseille er á leiðinni í viðræður við forráðamenn West Ham á morgun, þar sem framtíð Dimitri Payet, leikmanns West Ham, verður rædd. 

West Ham vann öruggan 3:0 sigur á Crystal Palace í gær en Dimitri Payet spilaði ekki þar sem hann er í fýlu og neitar að spila fyrir félagið. 

Lundúnafélagið ætlar því að selja Payet. Talið er að West Ham sætti sig ekki við minna en 30 milljónir punda fyrir Frakkann sem kom á 10,5 milljónir punda frá Marseille sumarið 2015.

• Blogga um frétt