José Fonte, fyrirliði Southampton, hefur fengið ósk sína uppfyllta og hefur verið seldur frá félaginu. Hann skrifaði í dag undir tveggja og hálfs árs samning við West Ham.
Hinn 33 ára gamli varnarmaður kostaði West Ham átta milljónir punda, en hann þjónaði Southampton í sjö ár. Hann á að baki 20 landsleiki fyrir Portúgal.
Þá hefur Saido Berahino verið seldur frá West Brom, en hann hefur ekki verið inni í myndinni hjá liðinu og verið ósáttur. Stoke reiddi fram 12 milljónir punda fyrir hinn 23 ára gamla sóknarmann og samdi við hann til fimm og hálfs árs.