Hjá mörgum veðbönkum á Englandi þykir Ítalinn Roberto Mancini líklegastur til að taka við stjórastarfinu hjá Leicester en þau stórtíðindi bárust úr herbúðum Englandsmeistaranna fyrr í kvöld að Claudio Ranieri var rekinn úr starfi.
Mancini er á lausu en hann yfirgaf þjálfarastarfið hjá Inter á Ítalíu í byrjun október á síðasta ári.
Alan Pardew sem var rekinn úr starfi Crystal Palace fyrr á leiktíðinni þykir einnig koma til greina sem Nigel Pearson fyrrverandi stjóri Leicester og Hollendingurinn Guus Hiddink sem um tíma var stjóri hjá Chelsea.