Argentínski sóknarmaðurinn Sergio Agüero er sagður vilja yfirgefa herbúðir Manchester City í sumar.
Enska blaðið The Sun greinir frá því í dag að Agüero vilji fara til Evrópumeistara Real Madrid en Argentínumaðurinn hefur skorað 113 mörk í 169 leikjum í ensku úrvalsdeildinni frá því hann kom til liðsins fyrir sex árum.
Verðmiðinn á Agüero, sem er 28 ára gamall, er talinn vera um 60 milljónir punda en sú upphæð jafngildir um 8,2 milljörðum íslenskra króna.