Ranieri vill halda áfram á Englandi

Claudio Ranieri.
Claudio Ranieri. AFP

Félög í Kína og á Ítalíu eru mjög áhugasöm að fá Ítalann Claudio Ranieri til liðs við sig en Ranieri fékk reisupassann frá Englandsmeisturum Leicester City fyrir helgina.

„Það er mikill áhugi á Claudio frá liðum í Kína og á Ítalíu en það er í forgangi hjá honum að koma til baka í ensku úrvalsdeildina eins fljótt og mögulegt er ef sá möguleiki er fyrir hendi,“ sagði Steve Kutner umboðsmaður Ranieri við vefinn Talksport.

Ranieri var við stjórnvölinn hjá Leicester í eitt og hálft ár og undir hans stjórn vann liðið magnað afrek á síðasta tímabili þegar það hampaði Englandsmeistaratitlinum í fyrsta sinn í sögu félagsins.




mbl.is
Fleira áhugavert
Fleira áhugavert