Roy Hodgson fyrrverandi landsliðsþjálfari Englendinga í knattspyrnu segist ekki hafa horft á viðureign Englands og Íslands frá því á EM í fyrra en eftir tapið gegn Íslendingum í 16-liða úrslitunum í Nice sagði Hodgson upp starfi sínu.
„Ég þarf ekki að horfa á leikinn. Ég fullkomlega hugmynd um það hvað gerðist og hvers vegna,“ segir Hodgson, sem tekur ekki undir þá gagnrýni sem lið hans fékk í kjölfar tapleiksins á móti Íslendingum.
Eitt af þeim atriðum sem Hodgson var harðlega gagnrýndur fyrir var að hann lét framherjann og markaskorarann mikla, Harry Kane framkvæma hornspyrnurnar í leiknum og þá breytti hann liðsuppstillingu liðsins frá leikjunum í riðlakeppninni
„Þetta er algjört bull. Fólk ætti að skammast sín af þessum hlutum. Hvers vegna ætti ekki Harry Kane að taka hornin. Ef hann er besti framherjinn í liðinu og gefur bestu sendingarnar hvers vegna ætti hann ekki að gera það?. Ég er mjög stoltur af því sem ég afrekaði með liðið,“ segir Hodgson.