Slær United eigið met?

Manchester United setti nýtt met síðastliðið sumar þegar það keypti franska miðjumanninn Paul Pogba frá Juventus og nú gæti félagið slegið það met í sumar.

Manchester United greiddi 89 milljónir punda fyrir Pogba en að því er fram kemur í enska blaðinu Manchester Evening News hefur United mikinn áhuga á að fá hinn 18 ára gamla Kylian Mbappe til liðs við sig frá Mónakó í sumar.

Mbappe er franskur framherji og er talinn með þeim allra efnilegustu í heiminum í dag. United gæti þurft að punga út 95 milljónum punda til að fá leikmanninn í sínar raðir en hann er afar eftirsóttur ólíklegt er talið að Mónakó geti haldið honum.

• Blogga um frétt