Zlatan floginn til Bandaríkjanna

Zlatan Ibrahimovic, framherji Manchester United, er farinn til Bandaríkjanna þar sem hann gengst undir aðgerð á hné á miðvikudaginn en Svíinn varð fyrir því óláni að slíta krossband í Evrópuleiknum gegn Anderlecht í síðustu viku.

Ljóst er að Zlatan, sem er 35 ára gamall, spilar ekki meira á þessu ári og óvissa ríkir um það hvort hann eigi afturkvæmt út á völlinn á nýjan leik en sjálfur segist hann stefni ótrauður á að koma sterkur til baka.

Frétt af mbl.is

Zlatan neitar að gefast upp

Samningur Zlatans við Manchester United rennur út eftir tímabilið en möguleiki er að samningurinn verði framlengdur um eitt ár.

• Blogga um frétt