Marco Silva, knattspyrnustjóri Hull City, sem féll úr ensku úrvaldeildinni, er sagður vera kominn til Portúgals þar sem hann á í viðræðum við Porto um að taka við þjálfun liðsins. Sky Sports greinir frá þessu.
Silva tók við stjórastarfinu hjá Hull City í byrjun árs og þrátt fyrir ágæta spretti af og til og sérstaklega á heimavelli tókst liðinu ekki að halda sæti sínu í deildinni.
Silva sem er Portúgali þjálfaði lið Sporting Lissabon tímabilið 2014-15 og fór þaðan til Grikklands þar sem hann stýrði liði Olympiakos eitt tímabil.