Chelsea hefur sent Brasilíumanninn Kenedy aftur til Englands frá Kína þar sem liðið var í æfingaferð. Ástæðan er færslur sem hann setti á Instagram-síðu sína. Kenedy skrifaði þar „Porra China“ sem útleggst á íslensku sem helvítis Kína. Seinna sendi Kenedy svo myndskeið af kínverskum öryggisverði sem svaf og skrifaði með myndskeiðinu „Acorda China Vacilao“, sem þýðir vaknaðu kínverska fífl.
Félagið sendi frá sér afsökunarbeiðni í gær og nú hefur það rekið leikmanninn heim. Kenedy hefur ekki náð að festa sig í sessi hjá Chelsea og spilaði hann aðeins tvo leiki fyrir liðið á síðustu leiktíð.