United fær aukna von um Perisic

Ivan Perisic.
Ivan Perisic. AFP

Inter Milan er sagt reiðubúið að leyfa króatíska miðjumanninum Ivan Perisic að yfirgefa félagið og ganga í raðir Manchester United, en United hefur verið á eftir honum í allt sumar.

José Mourinho, knattspyrnustjóri United, vill hinn 28 ára gamla Perisic til þess að fá aukinn kraft á miðjuna og eru forráðamenn Inter sagðir tilbúnir að selja hann fyrir 48 milljónir punda.

„Ef einhver kemur með tilboð sem væri erfitt að hafna munum við skoða það,“ sagði Luciano Spalletti, knattspyrnustjóri Inter, um stöðuna hjá Perisic.

Per­isic gekk til liðs við In­ter Mil­an frá Wolfs­burg árið 2015, en hann skoraði 10 deild­ar­mörk á síðustu leiktíð og gaf auk þess sex stoðsend­ing­ar á sam­herja sína í deild­ar­leikj­um liðsins.

mbl.is
Fleira áhugavert
Fleira áhugavert