Liverpool hélt ekki út gegn Watford
Setja bókamerki
Watford og Liverpool gerðu 3:3 jafntefli í fyrstu umferð ensku úrvalsdeildarinnar í knattspyrnu í dag í fjörugum leik. Watford komst í 1:0 og 2:1 en Liverpool var í 3:2 forystu fram í uppbótartíma þegar Watford jafnaði.
Stefano Okaka kom Watford yfir á áttundu mínútu er hann stangaði knöttinn í netið eftir hornspyrnu. Sadio Mané jafnaði fyrir Liverpool á 29. mínútu eftir fallega sókn en aðeins fjórum mínútum síðar kom Abdoulaye Doucouré Watford aftur yfir og var staðan í hálfleik 2:1, Watford í vil.
Liverpool kom mjög vel inn í síðari hálfleikinn og Roberto Firmino skoraði úr vítaspyrnu á 55. mínútu eftir að brotið var á Mohammed Salah. Þremur mínútum síðar lagði hann upp mark á Salah sem skoraði af stuttu færi. Allt stefndi í sigur Liverpool en Miguel Britos jafnaði fyrir Watford í uppbótartíma og þar við sat.
Fylgst var með gangi mála í beinni textalýsingu á mbl.is.
| Watford | 3:3 | Liverpool |
|
|---|---|---|---|
| Það eru að minnsta kosti fimm mínútur í uppbótartíma. | |||
Mikil skjálftavirkni á landinu áhyggjuefni
Allar rúður brotnar hjá Fiskikónginum
Hafa samþykkt kaup fyrir um 9,2 milljarða
„Tíminn er runninn út fyrir Kristján Loftsson“
„Það er skiljanlegt að þolinmæði þeirra sé lítil“
„Þögnin er ærandi“