Enska úrvalsdeildarfélagið Liverpool hefur nefnt stúku á Anfield, heimavelli sínum, til höfuð Kenny Dalglish, fyrrum leikmanni og þjálfara liðsins.
Dalglish var hjá Liverpool í 20 ár, fyrst sem leikmaður, síðan þjálfari og er hann algjör goðsögn hjá stuðningsmönnum félagsins. Hann kom fyrst til Liverpool árið 1977 frá Celtic og skoraði hann 172 mörk í 515 leikjum með liðinu.
Hann vann ensku deildina átta sinnum, Evrópubikarinn þrisvar, enska bikarinn tvisvar, deildabikarinn fimm sinnum og Meistarakeppni UEFA einu sinni á árum sínum sem leikmaður liðsins. Hann þjálfaði svo liðið frá 1985-91 og aftur 2011-2012. Sem stjóri gerði hann Liverpool þrisvar að enskum meistara, vann enska bikarinn tvisvar og deildabikarinn einu sinni.