Íþróttir | Enski boltinn | mbl | 13.10.2017 | 13:54 | Uppfært 14:09

Klopp telur sig enn besta kostinn

Jürgen Klopp, knattspyrnustjóri Liverpool.
Jürgen Klopp, knattspyrnustjóri Liverpool. AFP

Jürgen Klopp, knattspyrnustjóri Liverpool, telur sig enn vera besta kostinn til þess að stýra liðinu. Klopp telur Liverpool hafa þróast í rétta átt undir hans stjórn. Klopp fagnaði tveggja ára starfsafmæli á dögunum, en hann hefur ekki enn skilað titli í bikarsafnið hjá Liverpool. 

„Ef þeir reka mig á þessum tímapunkti þá held ég að það séu ekki margir betri kostir í stöðunni. Ég er hins vegar ekki fullkominn, en ég hef marga kosti í þessa stöðu. Ég held að stuðningsmenn Liverpool og þeir sem koma að félaginu séu sammála því," sagði Klopp á blaðamannafundi í dag.

Liverpool mætir Manchester United í áttundu umferð ensku úrvalsdeildarinnar á Anfield í hádeginu á morgun. Klopp segir að það sé það sé ákveðinn sjarmi af leikjum liðanna og hann hlakkar mjög til leiksins á morgun.

„Það hefur verið mikil barátta í þessum leikjum í gegnum tíðina. Rauð spjöld og blóðug barátta. Það er ekki meginmarkmiðið hjá okkur að berja á andstæðingnum. Það er hins vegar markmiðið að komast á þann stall sem Manchester United hefur verið á síðustu áratugina," sagði Klopp um leikinn á morgun.

mbl.is
Fleira áhugavert
Vélsleðaslys: Þyrlan kölluð út á mesta forgangi „Umsátursástand“ Kostnaður meiri en milljón á fermetra Skar höfuðleðrið af íslenskri konu
Fleira áhugavert
Skemmtiferðaskip hætt komið nærri Viðey Sex hafa greinst með listeríu Shakespeare fannst í skókassa Árshátíð ríkislögreglustjóra haldin í Tékklandi