Lee Johnson, knattspyrnustjóri enska B-deildarfélagsins Bristol City, segir í viðtali við breska ríkissjónvarpið að hann hafi fengið morðhótanir frá stuðningsmönnum félagsins á síðustu leiktíð.
Johnson keypti framherjann Matty Taylor frá grönnunum í Bristol Rovers og það fór illa ofan í harða stuðningsmenn City. Bristol City tapaði átta leikjum í röð um mitt síðasta tímabil og var hann ansi óvinsæll um tíma.
Stjórinn hefur í gegnum tíðina verið gagnrýndur af stuðningsmönnum, m.a fyrir að geyma Hörð Björgvin Magnússon á bekknum, leik eftir leik.