Enska úrvalsdeildarfélagið Everton hefur rekið Ronald Koeman, knattspyrnustjóra liðsins, úr starfi eftir 16 mánuði við stjórnvölinn.
Gylfi Þór Sigurðsson leikur með Everton, en liðið hefur valdið miklum vonbrigðum á tímabilinu og aðeins unnið tvo af níu deildarleikjum sínum til þessa og situr liðið í 18. sæti, sem er fallsæti. 5:2-tapið gegn Arsenal á heimavelli í gær var kornið sem fyllti mælinn.
Everton hafnaði í 7. sæti á síðustu leiktíð og tryggði sér sæti í Evrópudeildinni. Gylfi og félagar eru aðeins með eitt stig á botni E-riðils í keppninni.