Cantona hrifnari af City en United

Frakkinn Eric Cantona, sem lék með Manchester United á árunum 1992-1997 og var jafnan áberandi, kom með óvænta sprengju í umræðuþætti hjá BBC.

Cantona gagnrýndi þá José Mourinho, knattspyrnustjóra United, og sagði að leikstíll hans hentaði liðinu alls ekki. Honum finnst Mourinho vera of varnarsinnaður í sínum aðgerðum. Hins vegar er hann hrifnari af leikstíl Pep Guardiola, stjóra erkifjenda Manchester City.

„Ég elska Mourinho og hans persónuleika, hann er mjög snjall og tekur yfirleitt alla pressu á sig. En ég elska Guardiola líka. Báðir eru frábærir, en ég kann betur að meta sóknarleik því hann er meira skapandi. Þannig reyndi ég að spila allan minn feril,“ sagði Cantona.

• Blogga um frétt