Hart fær tækifæri á ný

David Moyes knattspyrnustjóri West Ham hefur staðfest að enski landsliðsmarkvörðurinn Joe Hart fái tækifæri á ný á milli stanganna þegar liðið mætir Arsenal á útivelli í átta liða úrslitum ensku deildabikarkeppninnar í knattspyrnu annað kvöld.

Hart missti sæti sitt í byrjunarliðinu og hefur Spánverjinn Adrián varið mark West Ham í síðustu fjórum leikjum þess í deildinni og hefur staðið sig afar vel. Í þessum leikjum hefur West Ham innbyrt 7 stig og hefur Adrián haldið marki sínu hreinu í þremur leikjanna.

• Blogga um frétt