Spyker setur aðalhönnuð af
Setja bókamerki
Spykerliðið hefur vikið aðalhönnuði sínum John McQuilliam ótímabundið frá störfum en gerir enga grein fyrir því hvers vegna. McQuilliam hefur starfað hjá liðinu allar götur frá árinu 1991 er það hét Jordan.
Jordanliðið var nýlega orðið til sem keppnislið í formúlu-1 er McQuillam kom þar til starfa. Þar var hann orðinn tæknistjóri er Midland-fyrirtækið keypti liðið.
Hjá Midland var McQuillan gerður að yfirhönnuði og hélt hann því starfi eftir yfirtöku Spyker á liðinu í fyrra. Liðsstjórinn Colin Kolles mun hafa vikið honum frá í síðustu viku en hefur ekki viljað útskýra hvers vegna, t.d. hvort eitthvað samband sé á milli þess og að ný uppfærsla af keppnisbíl liðsins féll á árekstrarprófi í síðustu viku.
„Staða hans er til skoðunar af hálfu liðsins,“ var það eina sem Kolles vildi segja við vefsetrið autosport.com.
Spyker neyddist til að hætta við að taka B-bílinn í notkun í tyrkneska kappakstrinum í Istanbúl þar sem hann féll á árekstrarprófinu.
Sterkur orðrómur er um að fyrrverandi tæknistjóri Red Bull, Mark Smith, sé á leið til starfa hjá Spyker. Hann hefur áður starfað með núverandi tæknistjóra Spyker, Mike Gascoyne.
„Ert þú þá svona latte-lepjandi hjólagaur?“
Benda á Samgöngustofu sem bendir út í heim
Sat á þaki byggingarinnar þegar eldurinn kviknaði
Hjón sluppu með skrekkinn
Slökkva í síðustu glæðunum á morgun
Skrítin menning í bankanum
„Tíminn er runninn út fyrir Kristján Loftsson“
„Þögnin er ærandi“