Lewis Hamilton og Heikki Kovalainen hjá McLaren hefur verið refsað fyrir að hindra aðra ökuþóra í tímatökunum í Sepang í morgun. Hafa þeir verið færðir aftur um fimm sæti hvor á rásmarki.

Vegna refsingarinnar leggur Kovalainen af stað í áttunda sæti og Hamilton í því níunda. Dómarar komust eftir nokkurra klukkustunda yfirlegu að þeirri niðurstöðu, að Hamilton hafi hindrað för Nick Heidfeld hjá BMW og Kovalainen hafi bæði hindrað hann og einnig Fernando  Alonso hjá Renault.

McLarenþórarnir voru að lulla heim í bílskúra á innhring eftir að hafa lokið sínum tímatökutilraunum. Það höfðu Heidfeld og Alonso ekki gert er Hamilton og Kovalainen og fleiri bílar urðu á vegi þeirra.

Talsmaður McLaren segir að liðið taki niðurstöðunni og muni ekki áfrýja henni.

Robert Kubica á BMW var skammt á eftir  McLarenbílunum á innhring og sagði sér hafa fundist Alonso skaðast meira á hindruninni. „Ég sá greinilega hvernig hringur Alonso var eyðilagður þar sem Kovalainen, held ég það hafi verið, hélt sig í keppnislínunni. Nick var aðeins heppnari því hann tafðist fyrir bremsusvæðið og komst því aftur inn á góða aksturslínu. En Alonso varð að bremsa innan línunnar og tapaði greinilega heilmiklum tíma. Þetta var tiltölulega hættulegt,“ sagði Kubica.

Vegna vítisins verður rásröðin á morgun sem hér segir, en Kazuki Nakajima tekur út akstursbrot frá í síðasta móti og færist úr 18. sæti í það 22.:

Tengdar fréttir

Formúla-1/McLaren

Ricciardo til McLaren

• Sainz í stað Vettels
• Honda hindrar Alonso
• Grunnvandi McLaren úr sögunni
• Häkkinen snýr aftur

» Fleiri tengdar fréttir

Formúla-1/Keppnin um ráspólinn

Verstappen vann sprettinn

• Verstappen tók franska pólinn
• Leclerc aftur á ráspól
• Klessti sig á ráspólinn
• Bottas naumlega á ráspól

» Fleiri tengdar fréttir

• 3 blogg um fréttina

Bloggað um fréttina

• Evert S: Siðferði
• HsBræður: Réttláttur dómur!!!!
• Gústav J. Daníelsson: Skítapakk