Viktor Þór (t.v.) og Kristján Einar í Crofts í dag. mbl.is/ve

Viktor Þór Jensen og Kristján Einar Kristjánsson óku af öryggi í seinni formúlu-3 kappakstrinum í Croft í dag en sex keppinautar þeirra skullu saman í bleytunni og flugu  úr brautinni á fyrsta hring.

Ökumenn sakaði ekki en dekk frá einum bílanna skall á brautarstarfsmanni af slíkum krafti að hann brotnaði á báðum fótum.

Keppnin var stöðvuð þegar í stað og leið all langur tíma þar til bílarnir höfðu verið fjarlægðir og ræst var að nýju.

Viktor Þór kom 15. í mark í heildina en varð 11. í alþjóðaflokknum. Kristján Einar var 11 sekúndur lengur en Viktor Þór með hringina 19, enda á aflminni bíl. Hann varð sjötti í landsflokknum af átta sem komust í mark.  

Kristján Einar var sjöundi í röð keppenda í landsflokknum á rásmarki og varð sjötti þeirra í mark. Hann hefur átt í vandræðum með bremsur á æfingunum undanfarna daga og var skipt um bremsukerfi í bílnum sl. föstudag.

Undir lok seinni kappakstursins í dag fóru nýjur bremsurnar með þeim afleiðingum að hann átti fullt í fangi með að ljúka síðustu hringjunum.

Kristján Einar á ferð í Croft. mbl.is/ve

Viktor Þór í keppninni í Croft í dag. mbl.is/ve