Kristján Einar í Snetterton í dag. fota

Kristján Einar Kristjánsson varð fimmti í landsflokknum í seinni kappakstri formúlu-3 sem fram fór í Snetterton í Englandi í dag. Viktor Þór Jensen féll úr leik í alþjóðaflokknum.

Kristján Einar varð aðeins 10 sekúndum frá þriðja sætinu í kappakstrinum.  Hann vann sér inn stig í báðum mótum og er nú jafn öðrum keppanda í sjötta til sjöunda sæti í keppni ökuþóra með 62 stig eftir 10 mót. Alls hafa 11 ökumenn unnið stig í breska landsflokknum.

Írski ökumaðurinn Michael Devaney, sem braut blað í sögu keppninnar með sigri í fyrri kappakstri dagsins, vann einnig þann seinni.

Í fyrra mótinu vann hann sinn fyrsta formúlu-3 sigur, fyrsta mótssigur Ultimate-liðsins og fyrsta sigur Mygale-bíls í hinni bresku formúlu-3 en um er að ræða franskan keppnisbíl.

Ultimate-liðið keppir í fleiri kappakstursflokkum og hefur stór áform til framtíðar. Stefnir að þátttöku í formúlu-1 þegar á næsta ári. Undirbúningur þess er langt á veg kominn og stendur og fellur þátttaka liðsins með niðurstöðum í nýjum samningi um keppni í formúlu-1, svonefdu Concorde-samkomulagi.

Heimasíða Mygale bílsmiðjunnar

Írinn Devaney sigrar í Snetterton á Mygale-bílnum franska fota

Kristján Einar, á bíl 54, í harðri keppni í Snetterton.