Kristján Einar í tímatökunum í gær. Í dag skín hins vegar sól í Snetterton.

Kristján Einar Kristjánsson varð sjötti af níu keppendum í landsflokki í fyrri formúlu-3 kappakstri dagsins í Snetterton í Norfolk í Englandi. Viktor Þór Jensen varð 15. af 18 keppendum í alþjóðaflokknum. <p>

Viktor Þór ók yfir endamarkslínuna skömmu á undan Kristjáni Einari en í heildina komu þeir í mark í 20. og 21. sæti. Keppni luku 22 en fimm féllu úr leik á leiðinni. <p>

Írskur ökumaður, Michael Devaney , braut blað í sögu keppninnar. Vann sinn fyrsta formúlu-3 sigur, fyrsta mótssigur Ultimate-liðsins og fyrsta sigur Mygale-bíls í hinni bresku formúlu-3 en um er að ræða franskan keppnisbíl.  <p>

Aðstæður í Snetterton voru ólíkar því sem þær voru undanfarna tvo daga er ökumennirnir þurftu að glíma við rigningu á æfingum og tímatökum. Nú skein sól í heiði í Norfolk. Seinni kappakstur mótshelgarinnar fer fram síðar í dag. <p>

Viktor Þór klár í akstur í Snetterton. mbl.is/jamesbearne