Nakajima var fljótur í förum í dag á Williamsbílnum. allianz

Kazuki Nakajima setti besta brautartíma vikunnar í Jerez á Spáni í dag er Williams og McLaren luku þar undirbúningi sínum undir komandi keppnistíð, sem hefst í næstu viku í Ástralíu.

Tími Nakajima, 1:17.494 mínútur, var tæplega fjórum sekúndubrotum betri en fyrra æfingamet, en það setti Jenson Button hjá Brawn GP í fyrradag. Ók hann alls 102 hringi í dag.

Hinn mikli hraði Williamsbílsins eykur enn á óvissuna um innbyrðis stöðu liða við vertíðarupphaf.

Heikki Kovalainen ók 84 hringi fyrir McLaren og bætti tímann frá í gær, en þá setti hann langbesta tíma sem silfurörin hafði náð í Jerez. Besti hringur hans í dag mældist betri, eða 1:17,946 mín., en tími hans í gær var 1:18,202. Til samanburðar ók Button á 1:17,884 í fyrradag, sem er hálfum tíunda úr sekúndu betri en Kovalainen gerði í dag.

Eftir áberandi hraðaskort undanfarnar vikur hefur McLaren síðustu daga prófað ýmsar nýjungar til að bæta loftafl bílsins. Þykja miklar framfarir Kovalainen í gær og dag og Lewis Hamilton næstu tvo daga á undan benda til að umbæturnar séu að skila sér í auknum bílhraða.

Kovalainen hefur kreist aukahraða úr silfurör McLaren í dag og gær. mbl.is/mclarenf1