Nýja bandaríska liðið sem samþykkt hefur verið sem keppnislið í formúlu-1 á næsta ári, USF1, mun hugsanlega tefla fram konu sem ökumanni.
Þar er um að ræða Danicu Patrick sem keppt hefur með ágætum árangri í systurkeppni formúlunnar í Bandaríkjunum, IndyCar.
Reyndar stendur Patrick sig svo vel þar, að hún er besti bandaríski ökuþórinn í IndyCar sem stendur. Aðeins erlendir ökumenn skáka henni að stigum. Annar af forsprökkum USF1, Bretinn Peter Windsor, segir Patrick standa sig afburðavel og liðið hafi áhuga á henni sem ökumanni.