Bourdais svekktur og hneykslaður og boðar dómsmál
Bourdais með umboðsmanni sínum, Nicolas Todt. mbl.is/tororossof1
Franski ökuþórinn, sem settur hefur verið af hjá Toro Rosso, segist svekktur og hneykslaður og íhugi nú málshöfðun á hendur liðinu vegna samningsrofsins.
"Sú ákvörðun Toro Rosso að leyfa mér ekki að keppa fyrir liðið út vertíðina eru mikil vonbrigði. Ég lít svo á að með því hafi liðið brotið gegn samningsskyldum sínum gagnvart mér. Ég held líka að ekkert af mínum verkum réttlæti ákvörðun liðsins að rifta samningnum.
Því hef ég falið lögmönnum mínum að fara yfir stöðuna, meðal annars skoða möguleika á málshöfðun," sagði Bourdais í gærkvöldi.
Hann sagði það svekkja sig enn frekar að fá ekki tækifæri að keppa í ungverska kappakstrinum en þar tefli liðið fram verulega endurbættum bíl.
Bourdais er svekktur með samningsrofið. ap
