Alguersuari (t.h.) og Kristján Einar (t.v.) voru liðsfélagar í fyrra.

Toro Rosso liðið staðfesti í morgun, að spæsnki ökuþórinn  Jaime Alguersuari muni keppa í ungverska kappakstrinum. Verður hann yngsti ökuþór sögunnar í formúlu-1.

Alguersuari tekur við af Sebastien Bourdais sem leystur var frá störfum í síðustu viku. Hann er 19 ára og 125 daga gamall, en sá yngsti til þessa í formúlu-1 kappakstrinum er Mike Thackwell frá Nýja-Sjálandi, sem keppti fyrir Tyrrell árið 1980 í Kanada, þá 19 ára og 183 daga gamall.

Liðsfélagi Kristjáns Einars 

Til gamans má geta þess, að Jaimie Alguersuari var liðsfélagi Kristjáns Einars Kristjánssonar í hinni bresku formúlu-3 fyrra. Kepptu báðir með  Carlin-liðinu. Alguersuari varð meistari í greininni og sem slíkur bæði fyrsti Spánverjinn til að afreka það og einnig yngsti keppandinn frá upphafi til að vinna mótaröðina.

Yngstu ökumenn sögunnar

Alguersuari er eins og framan segir yngsti ökumaðurinn til að keppa í formúlu-1. Hann verður 19 ára, fjögurra mánaða og fimm daga gamall í Búdapest komandi sunnudag.

Tíu yngstu ökuþórar til að hefja keppni eru sem hér segir: