Íþróttir
|
Formúla 1
| mbl
| 21.1.2010
| 17:43
| Uppfært
21:05
Brú nefnd eftir Button
Jenson Button. reuters
Jenson Button hefur áskotnast óvenjulegur heiður, ef svo mætti að orði komast. Jú, göngubrú í heimabæ hans í Englandi, Frome, verður nefnd eftir honum.
„Brúin verður hvort sem er byggð og okkur fannst það góð hugmynd að nefna hana eftir honum,“ sagði bæjarstjórinn Damon Hooton við BBC-útvarpið.
Það er gömul venja að nefna eitt og annað eftir frægu fólki, stjörnum hvers konar. Sérstaklega þó börn og ferfætta málleysingja. Allavega hefur nafn eins barns verið sótt til hans.
Þannig var Button kynntur fyrir tveggja mánaða barni á akstursíþróttasýningu fyrr í þessum mánuði í Englandi sem skírt var í höfuðið á honum - og reyndar fleiri. Sá stutti heitir Jenson Lewis Sutton.
© Árvakur hf.
Öll réttindi áskilin
