Íþróttir
|
Formúla 1
| mbl
| 21.1.2010
| 17:30
| Uppfært
20:55
McLaren ræður 14 ára Hollending
Nyck de Vries í höfuðstöðvum McLaren. mbl.is/mclaren
McLarenliðið hefur ákveðið að veðja á 14 ára gamlan hollenskan körtuþór sem framtíðarstjörnu í formúlu-1. Hefur það tekið Nyck de Vries upp á arma sína með svipuðum hætti og Lewis Hamilton 1997.
De Vries var í heimsókn í tæknisetri McLaren í Englandi og skrifaði undir samning við liðið í leiðinni. Hann deilir umboðsmanni með föður Lewis, Anthony Hamilton.
Hollendingurinn ungi er frá borginni Sneek og hefur McLarenliðið fylgst vel með framgangi hans í keppni. Hann vakti mikla athygli með sigrum í bæði alþjóðaröðinni WSK KF3 árið 2008 og þýska unglingameistarakeppninni, sem hann vann einnig.
© Árvakur hf.
Öll réttindi áskilin
