Kínverji varaökumaður Renault
Keppnis- og reynsluökumenn Renault við frumsýningu R30-bílsins. Jerome d'Ambrosio l.t.v. og Ho-Pin Tung l.t.h. reuters
Renault hefur ráðið kínverska ökuþórinn Ho-Pin Tung sem fyrsta varamann keppnisökumanna liðsins. Einnig hefur það ráðið Jerome D'Ambrosio og Jan Charouz sem reynsluökumenn.
Tung og D'Ambrosio koma báðir úr stalli Gravity-umboðsfyrirtækisins sem er í eigu kaupsýslumannsins Gerard Lopez sem orðin er meðeigandi að Renaultliðinu.Tung fékk að spreyta sig með Renault við bílprófanir í byrjun desember í Jerez á Spáni. Hann er 27 ára og hefur keppt bæði í GP2 formúlunni og verið í fremstu röð í A1GP-mótunum og í fótboltaformúlunni. Hann spreytti sig einni við reynsluakstur hjá Williams árið 2004.
Víst þykir að ráðning Tungs til Renault geti átt eftir að verða til að auka áhuga á formúlu-1 í Kína og umfjöllun.
D'Ambrosio er 24 ára Belgi og fyrrverandi meistari í Formula Master formúlunni. Hann keppir í ár í GP2 formúlunni þriðja árið í röð og segir markmið sitt að vinna titil ökumanna.
Charouz var í fyrra í liði Aston Martin Racing sem vann sinn flokk, LMP1, í Le Mans-mótaröðinni. Hann er 22 ár Tékki og mun keppa í ár með P1-liðinu í Renault 3.5 formúlunni.
