Nicoa Rosberg leggur upp í frumakstur Mervedesbílsins. reuters

Keppnisbíll Mercedes-Benz liðsins leit fyrst dagsins ljós í Valencia á Spáni þar sem hann verður til prófunar næstu daga. Hann hefur fengið tegundarheitið W01.

Litasamsetning og útlit bílsins var sýnt í byrjun síðustu viku en til þess var notaður keppnisbíll Brawnliðsins frá í fyrra. Beðið var hins vegar með að sýna nýja bílinn þar til í dag, svo nýta mætti tímann sem best við þróun hans og smíði í bílsmiðju liðsins.  

Við þennan bíl binda ökumennirnir Michael Schumacher og Nico Rosberg miklar vonir í ár, er þeir munu freista þess að halda meistaratitlum ökuþóra og bílsmiða innan liðsins. Titlana vann liðið í fyrra undir sína fyrra heiti, Brawn.

Að útliti er Mercedesebíllinn nokkuð frábrugðinn þeim sem sýndir hafa verið hingað til. Aðeins lítill uggi aftan á kæliturni vélarinnar og sótt er í smiðju Red Bull með v-lögun á trjónunni framan hliðarbelgjanna.

Schumacher stillir sér upp við Mercedesbílinn í Valencia í dag.

Schumacher og Rosberg við bíl Mercedes er hann kom fyrir sjónir almennings. reuters