Alguersuari í Jerez í dag. reuters

Jamie Alguersuari, hinn 19 æára ökuþór Toro Rosso, átti besta hringinn á Jerezbrautinni í dag. Rigning setti annars strik í æfingarnar í dag.

Alguersuari setti besta tímann á fyrsta klukkutíma æfinganna eða meðan brautin hélst þurr. Eftir það tók að rigna og bætti í hana ef eitthvað var eftir hádegi.

Annar Spánverji, Pedro de la Rosa hjá Sauber, átti næst besta tímann. Þriðja besta hring átti Adrian Sutil hjá Force India.

Felipe Massa sneri aftur til starfa hjá Ferrari og þrátt fyrir takmarkaðan tíma við bestu aðstæður var hann aðeins tveimur tíundu úr sekúndu frá besta tíma félaga síns Fernando Alonso frá í gær.

Vitaly Petrov tók sömuleiðis aftur við akstri hjá Renault og vakti athygli fyrir stöðuga og góða tíma í rigningunni síðdegis. 

Aldursforsetinn Rubens Barrichellohjá Williams ók manna mest, eða 120 hringi. Var það 44 hringjum meira en næsti maður.

Virginliðið var ekki klárt með breytingar á trjónu bílsins fyrr en síðdegis. Hóf Lucas di Grassi ekki akstur fyrr en er tvær klukkustundir voru eftir.  Í raun  snerist akstur hans einungis um að ganga úr skugga um að breyting á festingum framvængs hefðu verið gagns.

Niðurstaða æfingarinnar varð annars sem hér segir: