Hamilton var brosmildur í æfingarlok í Jerez í dag. reuters

Lewis Hamilton hjá McLaren ók hraðast á lokadegi fjögurra daga æfingalotu formúluliðanna í Jerez á Spáni í dag. Í leiðinni setti hann besta hring vikunnar. 

Tímanum náði Hamilton er aðeins voru 10 mínútur eftir af æfingunni en fram að því átti Adrian Sutil hjá Force India besta tímann. 

Brautir voru þurrar nær alla æfinguna og nýttu liðin sér það til hins ýtrasta. Flestir ökuþóranna tóku langar lotur á þungum bílum. Rubens Barrichello hjá Williams  setti þannig þriðja besta tíma dagsins á fjórða hring af 11 hringja lotu. Ók hann einungis í löngum lotum í dag í þeim tilgangi að ná sem mestu út úr Cosworthvélinni.

Robert Kubica hjá Renault setti fjórða besta tímann og Michael Schumacher hjá Mercedes þann fimmta besta. Hann neyddist til að stoppa á miðjum hring eftir þann hraðasta þar sem bensínið gekk til þurrðar áður en hann gat klárað innhringinn.

Felipe Massa ók manna lengst í dag, eða sem svarar rúmlega tveimur kappakstursvegalengdum. Virgin liðið hafði ástæðu til að brosa því loks tókst því að æfa sem skyldi. Vegna skorts á varahlutum gat það einungis ekið 24 hringi síðustu þrjá dagana, en Lucas di Grassi margfaldaði þá tölu í dag og var miklu nær tímum annarra ökuþóra en síðustu daga.

Niðurstaða æfingarinnar varð annars sem hér segir:

Schumacher slekkur þorstann milli æfingalota í dag. reuters