Sauber gæti átt eftir að verða óþægur ljár í þúfu

Pedro de la Rosa við bílprófanir á Sauberbílnum í vetur. reuters

Sauberliðið gæti átt eftir að verað toplliðumk formúlunnar óþægur ljár í þúfu á komandi keppnistíð. Því halda sérfræðingar Bridgestone fram eftir greiningu sína á niðurstöðum bílprófana vetrarins.

Þeir segja að Sauberbíllinn fari einstaklega vel með dekkin, samanborið við bíla annarra liða. Kvarnist mun minna úr dekkjunum undir Saubernum en bílum Ferrari, McLaren, Red Bull og Mercedes.

Sauberinn hefur reynst ferðgóður við reynsluakstur í vetur og þessar upplýsingar auka á vonir liðsmanna um góðan árangur í mótum.

Það getur komið sér vel í tvennum skilningi að dekkjum hraki seint. Í fyrsta lagi gerir það liði kleift að nota mýkri og þar með hraðskreiðari dekk en keppinautarnir í þriðju og síðustu lotu tímatökunnar.

Í öðru lagi ætti það að stuðla að jafnari hraða eftir því sem á keppni líður, en bílhraði hefur viljað lækka eftir því sem dekk slitna meira. Kemur það sér einstaklega vel í ár þar sem ökumenn verða að passa upp á dekk sín vegna banns við bensíntöku í keppni.

Hirohide Hamashima, yfirmaður þróunarmála hjá Bridgestone, segir að nær engu muni á hvernig dekkin nýtast toppliðunum fjórum. Síðan sé Sauber í sérflokki og það gefi liðinu sérstaka taktíska möguleika.