Schumacher í Búdapest. reuters

Michael Schumacher var óhress með keppnisbíl sinn að loknum æfingum gærdagsins í Búdapest. Þrátt fyrir ýmsar nýjungar - þar á meðal nýja botnplötu - átti hann í mesta basli.

Besti brautartími Schumacher í gær var rúmlega hálfri annarri sekúndu lakari en besti tími dagsins. Af þessum sökum var heimsmeistarinn fyrrverandi fremur óhress og enda skiluðu nýjungarnar ekki tilætluðum árangri.

„Gangi bíll vel tekst hringurinn vel en því miður virðist bíllinn okkar ekki mjög góður hér,“ sagði Schumacher eftir að hafa sett aðeins tíunda besta tímann á seinni æfingunni.

„Staðreyndin er sú, að við erum ekki að sýna þann hraða sem við venjulega gerum á föstudögum a.m.k. Við þurfum að finna út hverjar ástæðurnar fyrir þessu eru,“ bætti hann við.

Hann sagðist telja bílinn betri en í breska kappakstrinum í Silverstone en sagði eiginlega brautarinnar í Búdapest ef til vill ekki henta honum.

Mercedes hefur geret sér vonir um góðan árangur í Búdapest eftir slakan árangur í heimakappakstrinum í Hockenheim sl. sunnudag. Þar luku Schumacher og Nico Rosberg keppni í áttunda og níunda sæti.

Schumacher er óhress með hraða bílsins í Búdapest. reuters