Buemi á blaðamannafundi í Spa í gær. reutres

Þremur ökuþórum var refsað eftir tímatökuna í Spa og hlutu tveir þeirra, Timo Glock hjá Virgin og Sebastien Buemi hjá Toro Rosso, afturfærslu á rásmarki morgundagsins.

Buemi var færður aftur um þrjú sæti, í það 18. fyrir að hafa flækst fyrir og tafið för Nico Rosberg hjá Mercedes er sá síðarnefndi var á tímahring. 

Glock var færður aftur um fimm sæti, af 17. rásstað á þann 22. fyrir að hindra Sakon Yamamoto hjá Hispania. Reyndar hefur hann keppni í 20. sæti, m.a. vegna 10 sæta afturfærslu Michaels Schumacher fyrir brot í síðasta kappakstri.

Glock komst í aðra lotu tímatökunnar í fyrsta sinn á árinu - sem er besti árangur Virginliðsins í ár. En hann nýtur þess ekki sem skyldi vegna refsingarinnar.

Loks var Jarno Trulli hjá Lotus sektaður um 4.400 evrur fyrir of hraðan akstur í bílskúrareininni meðan á tímatökunni stóð.

Að teknu tilliti til allra breytinga vegna refsinga og annarra ástæðna er endanleg rásröð morgundagsins sem hér segir:

Trulli ók of hratt. reuters

Glock náði besta árangri Virgin í tímatökum í ár. reuters