Button með Vettel á hælunum í Spa. reuters

Heimsmeistarinn Jenson Button lýsir brottfalli sínu úr belgíska kappakstrinum sem „meiriháttar áfalli“ en Sebastian Vettel ók aftan á hann og tók hann út svið svonefnda stoppistöðvarbeygju, lokabeygju hringsins í Spa.

Button hafði þurft að verjast Vettel í nokkra hringi þar til síðasta tilraun þess síðarnefnda til framúraksturs endaði með því að hann missti vald á bíl sínum og skall á McLarenbílnum aftanverðum.

„Útlitið var gott, ég náði góðri ræsingu og komst upp í annað sætið. Framvængurinn var aðeins laskaður og það var ekki auðvelt að halda þeim fyrir afgan en ég stóð mig þó vel í því, að því er mér fannst.

Ég veit ekki hvað gerðist hjá Sebastian, allt í einu fann ég mikinn skell á hliðarbelg en við hann var vatnskassi bókstaflega rifinn úr bílnum. Þar með lauk þátttöku minni. Þetta var meiriháttar áfall, virkilega sárt,“ sagði Button í dag.