Webber (t.v.) og Hamilton hafa skapað sér forskot á keppinautana. reuters

Liðsstjórar bæði Red Bull og McLaren segja alltof snemmt að setja allan kraft á leiðandi ökuþóra liðanna þó svo Mark Webber og Lewis Hamilton hafi slitið sig nokkuð frá keppinautum sínum í belgíska kappakstrinum.

Þegar sex mót eru eftir af vertíðinni hafa báðir meira forskot á liðsfélaga sína en sem nemur mótssigri. Það hefur orðið til þess að hleypa af stað umræðum um að tímabært sé að láta þá njóta forgangs ef ætlunin sé að reyna vinna heimsmeistaratitil ökuþóra.

Webber sagði sjálfur að sú stund nálgaðist óðum fyrir Red Bull að einbeita sér að honum. Það sjónarmið á ekki hljómgrunn enn sem komið er hjá liðsstjóranum Christian Horner.

„Það eru enn 150 stig í pottinum og tveir hafa slitið sig aðeins frá þar sem hinir þrír titilkandidatarnir hlutu ekkert stig. En mér finnst samt of snemmt að íhuga að setja alla áherslu á annan ökumanninn. Allir fimm eiga enn möguleika miðað við stigagjöfina. Bilið getur verið villandi því þótt það virðist vera stórt getur það gjörbreyst í einni svipan,“ segir Horner.

„Ég fundaði með ökumönnunum í kvöld og Jenson sagði þar við Lewis: „Ég er 35 stigum á eftir þér en ég verð enn að reyna klekkja á þér. Og svoleiðis á það að vera áfram,“ sagði Whitmarsh.