Max Mosley, fyrrverandi forseti Alþjóða akstursíþróttasambandsins (FIA), segir að það myndi jafngilda gengisfalli formúlunnar vinni Fernando Alonso heimsmeistaratitil ökuþóra með sjö stiga mun eða minna.

Mosley skírskotaði til liðsfyrirmæla Ferrari í þýska kappakstrinum, þar sem Felipe Massa var fyrirskipað að víkja og hleypa Alonso fram úr. Það færði Alonso sigur í mótinu og styrkti stöðu hans í keppninni um titilinn að mun.

Alonso fékk 25 stig úr kappakstrinum í Hockenheim í stað 18 ef Massa hefði ekki þurft að víkja. FIA-forsetinn fyrrverandi er á því, að sú ákvörðun Ferrari kunni að eiga eftir að grafa eitthvað undan íþróttinni verði Alonso meistari.

„Mér fannst að svipta hefði átt Alonso aukastigunum sem hann fékk vegna liðsfyrirmælanna. Það er algjört lágmörk því færi svo að Alonso ynni titilinn með minni mun en sem svarar aukastigunum sjö - ólöglega að mínu áliti - þá myndi það rýra gildi titilsins. Þetta er mín persónulega skoðun,“ sagði Mosley við rás 5 hjá breska útvarpinu, BBC.

Alonso fagnar sigri í Suður-Kóreu.

Tengdar fréttir

Formúla-1/Vettvangur

Vettel semur við Aston Martin

• „Bleiki Mercedes“ ólöglega gerður
• Íhugaði að hvíla sig á keppni
• Leclerc prófaði 18 tommu dekk
• Kórónuveiran ógnar formúlu-1

» Fleiri tengdar fréttir

• 2 blogg um fréttina

Bloggað um fréttina

• Jóhann Elíasson: HVERNIG KEMST HANN AÐ ÞESSARI NIÐURSTÖÐU????????
• Óli Sveinbjörnss: Já Mosley gamli