Narain Karthikeyan. reuters

Indverski ökuþórinn Narain Karthikeyan snýr aftur til keppni með Hispanialiðinu í indverska kappakstrinum 30. október.

Karthikeyan mun njóta fjárhagslegs stuðnings til að snúa aftur í sætið frá indversku viðskiptaveldi, Hero Motors.

Hann var settur til hliðar hjá Hispania vegna skorts á árangri fyrr í sumar og ökuþór á mála hjá Red Bull, Daniel Ricciardo, fenginn til að keppa í hans stað.

Þrátt fyrir að hafa verið settur til hliðar með þessum hætti hefur Karthikeyan starfað áfram hjá Hispania og m.a. fengið tækifæri á föstudagsæfingum keppnishelga.

Indverski kappaksturinn fer fram í fyrsta sinn í ár og nærvera Karthikeyans sem keppanda er talin munu auka áhuga heimamanna fyrir mótinu til muna.

Karthikeyan á Hispaniabílnum í Mónakó. mbl.is/hispaniaf1

Karthikeyan á ferð á bíl Hispania. mbl.is/hispaniaf1